Nýlega unnu nemendur í lögreglufræði við Háskólann á Akureyri að könnun og fræðslu um Neyðarlínuna á leikskólum. Niðurstöður könnunar leiddu í ljós að 30% barna á aldrinum 3 til 12 ára kunna ekki að hringja í Neyðarlínuna 112.
51% kann ekki að hringja úr læstum farsíma
Þá kom einnig í ljós að 61% foreldra eru ekki með heimasíma og að 51% barna kynnu ekki að hringja í 112 úr læstum farsíma. Önnur atriði sem vöktu athygli voru að um fjórðungur barna hafði ekki fengið neina fræðslu um 112 og 34% foreldra höfðu ekki farið yfir hlutverk Neyðarlínu 112 með börnum sínum.
,,Börn hafa bjargað mannslífum, það hefur sýnt sig áður“
Könnunin var hluti af verkefni í náminu og fór fram á netinu. „Þetta var dreifikönnun á netinu og við fengum 880 svör. Hún var ekki hávísindaleg en hún gefur vísbendingar,“ segir Olga Kristín Jóhannesdóttir lögreglufræðinemi í samtali við mbl.is. Upphaflega átti verkefnið að vera könnun og fræðsla um Neyðarlínu 112 á leikskóla en nemunum þótti það ekki nóg. Þeir ákváðu því að búa til dreifirit og reyna koma boðskapnum sem víðast
![](https://www.kaffid.is/wp-content/uploads/2019/11/1171784-650x500.jpg)
„Okkur fannst við þurfa fara með boðskapinn lengra og vekja athygli á þessum niðurstöðum því þetta eru ekki góðar tölur. Að börn séu svona illa upplýst getur verið hættulegt. Það er ekki algengt að börn séu ein á vettvangi en það kemur fyrir og börn hafa bjargað mannslífum, það hefur sýnt sig áður,“ segir Olga við mbl.is.
UMMÆLI