fbpx

Admir Kubat í Þór

Það er búið að vera nóg að gera hjá Þórsurum í dag en bosníski miðvörðurinn Admír Kubat er búinn að skrifa undir þriggja ára samning við félagið. Kubat er ekki sá eini sem skrifar undir hjá Þór í dag en eins og kom fram nú fyrr í dag skrifaði varnarmaðurinn Loftur Páll Eiríksson undir eins árs framlenginu.

Kubat, sem er 28 ára gamall, kom til Íslands árið 2015 og lék við góðan orðstír hjá Víkingi Ólafsvík. Síðasta sumar lék hann svo með Þrótti Vogum og hjálpaði liðinu að tryggja sér sæti í 2.deild.

Admir verður því annar leikmaðurinn sem gengur til liðs við Þórsara í vetur en í síðasta mánuði fengu þeir Bjarka Þór Viðarsson frá nágrönnunum í KA. Ljóst er að Admír mun verða mikill liðsstyrkur fyrir Þór en síðasta sumar var hann nálægt því að ganga til liðs við Pepsi-deildarlið Grindavíkur.

 

UMMÆLI