Albert Guðmundsson spilaði sinn fyrsta byrjunarliðsleik fyrir AZ Alkmaar í hollensku úrvalsdeildinni í dag þegar liðið tók á móti Feyenoord.
Sjá einnig: Dreymir um að spila með Barcelona
Albert kom til liðsins í sumar frá PSV Eindhoven og gerði sér lítið fyrir og skoraði eftir aðeins fimm mínútna leik.
Markið dugði ekki til sigurs þar sem Steven Berghuis jafnaði fyrir gestina í Feyenoord stuttu fyrir leikhlé.
Leikurinn endaði með 1-1 jafntefli en Albert var valinn maður leiksins. Eftir leikinn eru AZ með átta stig í fjórða sæti en Feyenoord er í þriðja sæti með 10 stig.
Faðir Alberts, íþróttafréttamaðurinn Guðmundur Benediktsson birti frábæra mynd eftir leikinn í dag. Myndin er gömul en á henni er Albert með Robin van Persie, sóknarmanni Feyenoord. Van Persie er fyrrum sóknarmaður Arsenal og Manchester United en hann spilar í dag með félaginu þar sem hann hóf ferilinn, Feyenoord.
Þessir mættust í dag, annar þeirra skoraði😉 #Gudmundsson #AZ #VanPersie #Eredivisie pic.twitter.com/TOK5OctYz7
— Gummi Ben (@GummiBen) September 16, 2018
Mark Alberts má sjá hér:
Voormalig PSV’er Albert Gudmundsson scoort direct bij zijn basisdebuut voor AZ tegen Feyenoord. pic.twitter.com/E0CdEW5O2c
— Jeroen Toet (@Jeroen_Toet) September 16, 2018
UMMÆLI