Eining-Iðja hefur veitt Velferðarsjóði Eyjafjarðarsvæðisins styrk að upphæð 1.250.000 krónur. Samþykkt var að veita styrkinn á fundi aðalstjórnar Einingar-Iðju í síðustu viku. Greint er frá í tilkynningu á vef Einingar-Iðju.
Styrkurinn var formlega veittur síðastliðinn föstudag þegar Guðlaugur Agnar Pálmason og Baldvin Valdemarsson, úr stjórn Velferðarsjóðsins, litu við á skrifstofu Einingar-Iðju á Akureyri. Tryggvi Jóhannsson, varaformaður Einingar-Iðju og Elsa Sigmundsdóttir, skrifstofustjóri, veittu styrkinn fyrir hönd Einingar-Iðju.
Fram kemur á heimasíðu sjóðsins að opnað verður fyrir umsóknir um jólaaðstoð fimmtudaginn 20. nóvember.
Þau sem vilja styrkja jólaaðstoð Velferðarsjóðs Eyjafjarðarsvæðis er bent á eftirfarandi söfnunarreikning:
Kt. 651121-0780
Rn. 0302-26-003533
COMMENTS