Fermetraverð á Akureyri heldur áfram að hækka – 15,1% hækkun milli áraMikil uppbyggingin hefur átt sér stað á Akureyri undanfarin ár.

Fermetraverð á Akureyri heldur áfram að hækka – 15,1% hækkun milli ára

Ekki hefur slegið af 12 mánaða hækkunum á fermetraverði á Akureyri líkt og hóf að gerast fyrir ári síðan á höfuðborgarsvæðinu. Þetta kemur fram í nýrri Hagsjá Landsbankans þar sem fjallað erum fasteignaverð á Akureyri og Morgunblaðið greindi frá í dag.

Þar kemur fram að fermetraverð á Akureyri hafi hækkað um 15,1% milli áranna 2016 og 2017. Frá ár­inu 2009 hafi fer­metra­verð hækkað sam­hliða jafnri fjölg­un fast­eignaviðskipta. Þá var lægsta fermetraverðið á Oddeyri með 11,2% hækkun, eða 220 þúsund á fermeter. Næst lægsta verðið var í Holta- og Hlíðahverfi, eða 259 þúsund á fermeterinn.

Mesta hækkunin á Brekkunni og í Innbænum

Mesta hækkunin var á Brekkunni og í Innbænum, eða um heil 26,4%. Hæsta fermetraverðið mátti þó finna í Naustahverfi, þar sem fermeterinn er á 364 þúsund. Giljahverfi fylgir þar fast á eftir með 320 þúsund krónur á fermeterinn.

Mun­ur­inn á dýr­asta og ódýr­asta hverf­inu hélt áfram að aukast nú á ár­inu 2018. Mun­ur­inn nam um 126 þúsund á fer­metra en hann hef­ur auk­ist jafnt og þétt frá 2010 þegar hann var 72 þúsund.

Von á frek­ari hækk­un­um

„Fer­metra­verð á Ak­ur­eyri hef­ur haldið áfram að hækka þrátt fyr­ir ró­legri tíma á höfuðborg­ar­svæðinu. Mik­il upp­bygg­ing nýrra íbúða er nú í gangi bæði í Nausta­hverfi sem og í Inn­bæn­um. Þegar þær fast­eign­ir fara á sölu er því von á að meðal­fer­metra­verð á Ak­ur­eyri hækki enn frek­ar. Nýj­ar íbúðir hafa al­mennt hærra fer­metra­verð, auk þess sem staðsetn­ing margra nýju íbúðanna er eft­ir­sókn­ar­verð,“ seg­ir í Hag­sjánni og frétt Morgunblaðsins.

UMMÆLI