Hagnaður Samherja rúmlega 14 milljarðar

Hagnaður Sam­herja hf. nam 14,4 millj­örðum króna á ár­inu 2017 og hækkaði lít­il­lega á milli ára en hagnaður­inn árið 2016 var 14,3 millj­arðar.

8,5% af hagnaði fé­lags­ins verða greidd í arð til hlut­hafa fé­lags­ins að því er fram kem­ur á vef fyr­ir­tæk­is­ins.

„Samherji skilaði góðri afkomu á síðasta ári eins og undanfarin ár. Svo góð niðurstaða er ekki sjálfgefin við núverandi aðstæður heldur afrakstur mikillar samvinnu starfsmanna Samherja sem og samstarfsaðila víðsvegar um heiminn. Við gleðjumst að sjálfsögðu yfir því,“ segir Þorsteinn Már Baldvinsson forstjóri Samherja þegar ársuppgjör fyrir árið 2017 var kynnt að loknum aðalfundi og fram kemur á vef fyrirtækisins.

Sam­an­lagðar tekj­ur dótt­ur- og sam­starfs­fé­laga Sam­herja námu 77 millj­örðum króna en námu 84,8 millj­örðum árið 2016. Rekstr­ar­gjöld­in námu 63,7 millj­örðum króna árið 2017 miðað við 68 millj­arða 2016.

Á vef Sam­herja kem­ur einnig fram að stærsta breyt­ing fyr­ir­tæk­is­ins á liðnu ári hafi verið skipt­ing þess upp í tvö fé­lög. Inn­lend starf­semi var þannig aðgreind með skýr­ari hætti frá er­lendri. Heyr­ir inn­lenda starf­sem­in und­ir Sam­herja en Sam­herji Hold­ing ehf. tók við er­lend­um eign­um.