![](http://www.kaffid.is/wp-content/uploads/2017/12/25299335_1974488806136726_8574471976336671115_n-650x433.jpg)
Desembermánuður er tími freistinga og margir sem setjast undir stýri undir áhrifum áfengis eða vímuefna. Mynd: Lögreglan á Norðurlandi eystra.
Lögreglan á Norðurlandi eystra gaf út yfirlýsingu í gær þess efnis að rúma viku, frá 7. – 17. desember, verði hún í sérstöku umferðarátaki gegn ölvunar- og vímuástandi ökumanna. Lögreglumenn sjást víða um embættið við vinnu sína alla þessa daga, á öllum tímum sólahrings.
Þá brýna þeir fyrir ökumönnum að vera allsgáðir við aksturinn og minna í leiðinni á að desember er sérstaklega hættulegur mánuður vegna allra þeirra samkvæma sem eru víða í tilefni jólanna og því freistist ökumenn oftar en ella til að keyra undir áhrifum.
,,Vonumst við hins vegar til að ökumenn láti skynsemina ráða með þeim einföldu skilaboðum “ eftir einn ei aki neinn “ því afleiðingar aksturs undir áhrifum áfengis og eða fíkniefna verða stundum óbærilegar þeim sem hlut eiga að máli,“ segir í tilkynningu lögreglunnar.
UMMÆLI