Nýtt lag frá Dimmu: „Mikill andi í bandinu“

Hljómsveitin Dimma sendi í dag frá sér nýtt lag. Lagið heitir Þegar Dómklukkan Slær og er annað lagið sem rokksveitin gefur út síðan ný liðskipan var tilkynnt fyrir tveimur mánuðum og Akureyringurinn Ivan Mendez var kynntur sem nýr söngvari sveitarinnar.
Í tilefni af endurreisn Dimmu og útgáfu nýrra laga munu þeir koma fram á þrennum tónleikum þar sem lögin verða leikin í fyrsta sinn í lifandi flutningi, ásamt rjómanum af helstu ópusum sveitarinnar af eldri plötum.
Tónleikarnir verða á Sviðinu, Selfossi föstudaginn 23. október, IÐNÓ í Reykjavík föstudaginn 30. október og á Græna Hattinum, Akureyri laugardaginn 7. Nóvember. DIMMA eru Ivan Mendez söngvari, Skúli Gíslason trommuleikari, Silli Geirdal bassaleikari og Ingó Geirdal gítarleikari.
„Það er mikill andi í bandinu þessa dagana, stutt er í tónleika og spennan liggur í loftinu. Þótt ég segi sjálfur frá, þá er ég afskaplega ánægður með útkomuna af þessu nýja lagi og ég tel að bæði spennan og andinn skili sér vel í gegnum hljóðbylgjurnar,“ skrifar Ivan Mendez á samfélagsmiðlum í dag.
Hlusta á lagið:
Tengdar greinar
Uppfært: 29. október 2026










