Þegar halda á gott partý, fermingu, árshátíð eða hvert svo sem tilefnið er þá vefst það fyrir mörgum að finna húsnæði undir viðburðinn. Svo virðist sem hvergi sé hægt að finna samantekt yfir þá samkomusali og húsnæði sem standa til boða á svæðinu. Kaffið tók saman það helsta til að auðvelda leitina miklu, þó er þetta að öllum líkindum ekki tæmandi listi.
Salir til leigu á Akureyri og nágrenni
Veislu- og fundasalur Kiwanisklúbbsins
Á Akureyri er Kiwanisklúbburinn Kaldbakur með veislu/fundarsal fyrir 50 manns og góðu eldhúsi.
Rauði Krossinn
Rauði Krossinn er með tvo veislusali í útleigu í góðu standi fyrir veislur frá 30-100 manns.
Salur KFUM OG KFUK í Sunnuhlíð
KFUM og KFUK á Akureyri leigir sal á annarri hæð í Sunnuhlíð 2. Gengið er inn um hliðardyr að sunnan merktum KFUM og KFUK á Akureyri. Salurinn tekur 70 manns í sæti.
Hægt er að bóka salinn og fá nánari upplýsingar hér á facebook, í gegnum síma 649-6330 eða senda tölvupóst kfumakureyri@gmail.com
Áin veislusalur á fjórðu hæð
Áin er veislusalur, sem er staðsettur á 4.hæð í Skipagötu 14. Salurinn hentar til veislu- og fundarhalda og á staðnum er allur búnaður fyrir allt að 100 manns. Nánari upplýsingar hér.
Salur Náttúrulækningafélagsins í Kjarnaskógi
Húsið er staðsett í Kjarnaskógi með fallegri verönd og rúmar allt að 60 manns í sæti, jafnvel fleiri. Nánari upplýsingar má nálgast hjá félaginu.
Félagsheimilið Skeifan
Félagsheimili Hestamannafélagsins Léttis, Skeifan er leigð útm.a undir fermingarveislur, giftingar, skírnarveislur, afmæli, erfidrykkjur, árshátíðir félagasamtaka og annarra samskonar athafna. Nánari upplýsingar hér.
Salur Bílaklúbbsins
Salur Bílaklúbbsins við Hlíðarfjallsveg er leigður út og rúmar um 50 manns. Nánari upplýsingar hér.
Deiglan
Deiglan er staðsett í Gilinu og er í flestum tilfellum leigð út fyrir listasýningar eða aðra listaviðburði. Möguleiki er að fá húsnæðið leigt fyrir léttari viðburði, kokteilboð eða annað sem fólki dettur í hug. Best er að hafa samband við Gilfélagið á facebook.
Ketilhúsið
Ketilhúsið er hluti af Listasafninu og er leigt út fyrir ýmsa viðburði og samkomur, s.s. móttökur, giftingaveislur, myndatökur, fundi og fleira. Nánari upplýsingar má nálgast hjá Listasafninu.
Flugsafnið
Flugsafnið er leigt út fyrir ýmsa viðburði s.s. stórafmæli, brúðkaup og árshátíðir. Nánari upplýsingar gefur flugsafn@flugsafn.is
Café Laut Lystigarðinum
Kaffihúsið í Lystigarðinum hefur verið að leigja húsið út til samkvæmishalds yfir vetrartímann. Hægt er að hafa samband á facebook.
Golfskálinn – Vídalín
Salurinn að Jaðri tekur 170-190 manns í sæti og 270 í standandi.
Hægt að hólfa hann niður fyrir minni hópa.
Salurinn er því tilvalinn fyrir minni og stærri fundi, svo og ráðstefnur. Nánari upplýsingar hér.
Hlaðan – Litla Garði (Hjá flugvellinum)
Hlaðan hefur verið mjög vinsæll staður fyrir ýmsa viðburði undanfarin ár, þá sérstaklega tónleika og aðra gjörninga. Nánari upplýsingar á facebook.
Bjarg – Félag Eldri borgara
Í sama húsi og líkamsræktarstöðin Bjarg er einn salur á vegum Félags Eldri Borgara sem ýmist hefur verið leigður út fyrir brúðkaup og aðra viðburði. Nánari upplýsingar má nálgast hjá Félagi Eldri borgara .
Safnaðarheimili Akureyrarkirkju
Safnaðarheimilið við Akureyrarkirkju er einstaklega fallegur salur sem ýmist er leigður út fyrir erfiðdrykkjur, skírnir og aðra viðburði.
Zontahúsið í innbænum
Zontahúsið í Aðalstræti er í eigu Zontaklúbbsins og er stundum leigður út fyrir minni veislur og tilefni. Nánari upplýsingar hjá Zontaklúbbnum.
Salir utanbæjar en skammt frá Akureyri
Hlíðarbær
Félagsheimilið Hlíðarbær er í eigu Reglu musterisriddara á Akureyri. Það er í Kræklingahlíð, um 5 km norðan Akureyrar. Húsnæðið rúmar um 200 manns í sæti. Nánari upplýsingar gefur Ari Hallgrímsson í síma 893-3209 / tölvupóstfang arihall@simnet.is.
Laugaborg – Hrafnagili
Laugarborg er fallegt félagshemili með vel búnum sal og eldhúsi fyrir hverskyns tilefni. Salurinn er stór og rúmgóður og hentar vel fyrir brúðkaup, tónleika, fundarhald og önnur tilefni. Nánari upplýsingar hér.
Brúnir Horse
Brúnir er staðsett í Eyjafirði þar sem hægt er að leigja út sal fyrir ýmsa viðburði. Nánari upplýsingar hér.
Veitingastaðir með sali til leigu:
- Múlaberg / Hótel KEA
- Strikið
- Bryggjan
- Greifinn
- Bautinn
- Vitinn Mathús
Vantar þitt húsnæði á listann? Sendu okkur línu á kaffid@kaffid.is eða hafðu samband við okkur á facebook og við bætum þér við.
UMMÆLI