fbpx

Starfsfólki á hjúkrunarheimilinu Hlíð sagt upp

Starfsfólki á hjúkrunarheimilinu Hlíð sagt upp

Hópi starfsmanna á hjúkrunarheimilinu Hlíð hefur nú verið sagt upp. Samkvæmt upplýsingum fréttastofu Vísis hafa samtals 25 starfsmenn misst vinnuna. Ætla má að uppsögnin sé liður í hagræðingaraðgerðum nýrra rekstraraðila heimilisins.

Rekstur hjúkrunarheimilisins var einkavæddur í apríl og nýr rekstraraðili, Heilsuvernd ehf., tók við. Þar með lét Akureyrarbær af rekstri heimilisins.

Meðal þeirra sem misst hafa vinnunna eru Halldór S. Guðmundsson, framkvæmdastjóri hjúkrunarheimilisins, sem og starfsmaður með 20 ára starfsreynslu. Samkvæmt upplýsingum Vísis eru starfsmenn ekki beðnir um að vinna uppsagnarfrestinn, sem eru sex mánuðir í flestum tilvikum. 

Drífa Snædal, forseti ASÍ, birti uppsagnarbréf starfsmannsins sem unnið hefur á hjúkrunarheimilinu í 20 ár. Í Facebook færslu sinni segir Drífa að Heilsuvernd hjúkrunarheimili sé ekki að tvínóna við hlutina. „Svei þeim og svei arðvæðingunni! Nú á að losa sig við “dýra” starfsfólkið og ná “hagræðingu”. Starfsfólkið er fyrst til að taka skellinn, þetta líðst með vitund og vilja ríkis og sveitarfélagsins!”

Logi Einarsson vakti einnig athygli á málinu á Facebook síðu sinni. „Í mörg ár hefur ríkisvaldið vanfjármagnað málaflokkinn með þeim afleiðingum að Akureyrarbær neyddist til að segja upp samningi um rekstur heimilinna, enda erfitt að réttlæta að greiða tap ár eftir ár með peningum sem áttu að fara í önnur mikilvæg og jafnvel lögbundin verkefni. Í stað þess að ríkið tæki við rekstrinum einsog tíðkast víða um land, ákvað heilbrigðisráðherra og ríkisstjórnin að bjóða hann út og einkahlutafélag tók við honum fyrir nokkrum vikum. Og nú er sem sagt hagræðingin hafin,“ sagði Logi í færslu sinni.

Heildarumfjöllun Vísis má lesa með því að smella hér.

Listasumar Akureyri

UMMÆLI

PSA