fbpx

Sunna segir Sigmund aldrei hafa spurt út í efni viðtalsins fræga

Sigmundur Davíð Gunnlaugsson

Sigmundur Davíð Gunnlaugsson

Sunna Valgerðardóttir, fréttakona hjá RÚV á Akureyri, segir Sigmund Davíð Gunnlaugsson, þingmann Framsóknarflokksins aldrei hafa spurt hvert efni viðtalsins væri sem hann veitti RÚV á laugardaginn.

Viðtalið vakti mikla athygli en Sigmundur sakaði RÚV og sérstaklega Sunnu um reiði í sinn garð, áður en hann gekk út úr viðtalinu.

„Þú kemur ekki hin gað og biður mig um viðtal um afmæli flokksins og kemur með útúrsnúninga eins og þetta,”sagði Sigmundur meðal annars í viðtalinu.

Sunna sá ástæðu til þess að tjá sig um málið á Facebook síðun sinni en þar segir hún:

Vegna umræðu um viðtal mitt við Sigmund Davíð Gunnlaugsson, fyrrverandi forsætisráðherra og oddvita Framsóknarflokksins í NA-kjördæmi á föstudaginn, finnst mér rétt að taka eftirfarandi fram:

Ég hafði óskað eftir viðtali við hann í tilefni dagsins með SMS-skilaboðum, en engin svör fengið. Við ákváðum því að fara á staðinn og kanna hvort hann myndi veita viðtalið. Sigmundur Davíð tók mér vel og bað mig að bíða andartak, áður en við tókum viðtalið. Hann spurði mig aldrei um efni þess fyrirfram, eins og stjórnmálamenn gera þó gjarnan,” segir Sunna á Facebook.

UMMÆLI