Fyrir nokkrum vikum fór ég yfir það sem mér þótti vera ofmetnustu hlutir í heimi eins og gefur að skilja voru ekki allir sammála þeim lista en hann má sjá í heild sinni hér að neðan. Að þessu sinni ætla ég að gera lista yfir 10 vanmetnustu hluti í heimi.
Sjá einnig: Topp 10 – Ofmetnustu hlutir í heimi
10. Sund – Það að fara í sund er mjög vanmetið. Ég áttaði mig ekki á því fyrr en ég flutti til Danmerkur og fór að reyna að baða mig í hinum ýmsu drullupollum þar að við Íslendingar eigum geggjaðar sundlaugar.
![Sundlaug Akureyrar](http://www.kaffid.is/wp-content/uploads/2016/11/a.sund_.jpg)
Sundlaug Akureyrar
9. Osló – Margir halda að Osló sé dýr og leiðinleg borg. Raunin er hins vegar sú að borgin er að mínu mati skemmtilegasta borg Norðurlanda.
![Óperuhúsið í Osló](http://www.kaffid.is/wp-content/uploads/2016/11/a.aaaaaaaoslo.jpg)
Óperuhúsið í Osló
8. Rommý – Súkkulaði sem gamalt fólk borðar og þykir asnalegt. Þetta súkkulaðistykki hefur aldrei fengið þá virðingu sem það á skilið.
![Rommý](http://www.kaffid.is/wp-content/uploads/2016/11/a.aaaaarommy-400x317.jpg)
Rommý
7. Að vakna snemma – Það er allt betra við að vakna snemma. Dagurinn byrjar klukkan 07:00 og fólk sem kallar sig B-manneskjur er fólk sem er latt og vill ekki díla við það.
![Birkir vaknar snemma alla morgna](http://www.kaffid.is/wp-content/uploads/2016/11/a.sofaaa-650x488.jpg)
Birkir vaknar snemma alla morgna
6. Podcast – Mjög vanmetinn miðill, fyrir þá sem ekki vita þá er Podcast einskonar útvarp sem þú sækir í símann þinn. Sækir þætti sem fjalla um þitt áhugasvið. Geggjað.
![Podcast er snilld](http://www.kaffid.is/wp-content/uploads/2016/11/aaaa.podcast-400x439.jpg)
Podcast er snilld
5. Ristað brauð með banana – Ef ég ætti veitingastað myndi ég bjóða upp á þennan rétt. Mjög mikilvægt að smyrja brauðið ekki seinna en 5 sekúndum eftir að brauðið kemur úr ristavélinni.
![Vanmetin afurð](http://www.kaffid.is/wp-content/uploads/2016/11/a.aaaaabana-400x302.jpg)
Vanmetin afurð
4. Að fara einn í bíó – Ef þú átt maka er það 50% ódýrara og þú ert ekki truflaður á meðan á myndinni stendur, svokallað win win.
![Kim Jong Il fó mikið einn í bíó](http://www.kaffid.is/wp-content/uploads/2016/11/aaaaaaa.aaabio-400x316.jpg)
Kim Jong Il fór mikið einn í bíó
3. Amma þín og afi – Þetta er vanmetnasta fólkið þarna úti, fólkið sem hefur prófað allt og við metum ekki nægilega mikið.
![Amma þín og afi er pottþétt snilld](http://www.kaffid.is/wp-content/uploads/2016/11/aaaaaammmma-400x267.jpg)
Amma þín og afi er pottþétt snilld
2. Hljómsveitin Nylon – Stelpurnar í Nylon eru eitt það besta sem hefur komið frá Íslandi. Það að Einari Bárðarsyni hafi ekki tekist að gera þær heimsfrægar er rannsóknarefni.
![Æðislegar](http://www.kaffid.is/wp-content/uploads/2016/11/a.nylon_-400x267.jpg)
Æðislegar
1. Gos úr vél – Mikið betra en það sem búið er að troða í umbúðir og geyma. Þarna færðu vöruna beint úr vélinni. Gríðarlega vanmetið.
![Beint frá býli](http://www.kaffid.is/wp-content/uploads/2016/11/a.aaagos-400x252.png)
Beint frá býli
UMMÆLI