halló akureyri

Umferðarvika framundan – Ljósabúnaði á bílum verulega ábótavant

Vikuna 13. -19. nóvember fer fram umferðarvika hjá lögreglunni á Akureyri. Ástæða átaksins er sú að lögreglumenn embættisins eru sammála um að ljósabúnaði á bílum og kerrum sé mjög ábótavant, sér í lagi nú þegar skammdegið er skollið á. Þá segja þeir mikið vera af eineygðum bílum, bæði framan og aftan, og ljóslausum kerrum.

Í tilkynningunni segir:
Við ætlum í afskipti af ljósabúnaði á bifreiðum og kerrubúnaði hvar sem til næst, vikuna 13.-19. nóvember 2017.
Þá verða einnig allir stöðvaðir sem hafa ekki enn lært eða gleyma að kveikja aðalljós bifreiða sinna, þannig að þær eru ávallt ljóslausar að aftan… á við þessa nýjustu bíla sérstaklega.
Við beinum þessum vinsamlegu tilmælum til allra ökumanna og auglýsum hér með þetta átak. Alltaf heppilegast að okkar mati að hvetja til úrbóta meðal ökumanna þannig að fyrirvari sé hafður á, en framfylgja þó málum með festu og ákveðni, séu leiðbeiningar lögreglu ekki virtar.
Umræða meðal almennings um umferðarmál, hvort sem er inni á heimilum eða vinnustöðum, er alltaf jákvæð… tölum saman.

VAMOS AEY

UMMÆLI