Dúettinn Egill Andrason og Eik Haraldsdóttir hefur gefið út tónlistarmyndband við lagið Eitt Augnablik sem kom út í vikunni. Horfðu á myndbandið í spilaranum hér að neðan.
Eitt Augnablik er þriðja lagið sem Egill og Eik gefa út á árinu og þriðja lagið af væntanlegri plötu þeirra, Lygasögur, sem kemur út eftir tvær vikur, fimmtudaginn 29. júlí.
Sjá einnig: Egill og Eik gefa út plötu saman: „Sex ár í vinnslu og sex daga að taka upp“
Egill og Eik hafa undanfarna mánuði staðið að söfnun fyrir útgáfu hljómplötunnar. Þau sömdu dansa, lög og drukku ógeðisdrykki og náðu á endanum að safna um 600 þúsund krónum svo að platan Lygasögur geti orðið að veruleika.
UMMÆLI