fbpx

Aðsóknarmet slegið á Græna Hattinum um helgina

Græni Hatturinn er alltaf að toppa sig

Um helgina var slegið aðsóknarmet á tónleikastaðnum Græna Hattinum á Akureyri. Þetta staðfesti Haukur Tryggvason eigandi staðarins í samtali við Kaffið í dag. Hann segir staðinn alltaf vera að toppa sig.

Metið var slegið á tónleikum rapparans vinsæla Emmsjé Gauta. Að sögn viðstaddra var mikil stemning sem myndaðist á tónleikunum eins og vill oft gerast á Græna Hattinum.

Sjá einnig: Elska Akureyri og Græna Hattinn

Akureyringurinn Halldór Kristinn Harðarson hitaði upp fyrir tónleika Emmsjé Gauta. Halldór kemur fram undir listamannsnafninu Ká-Aká. Tónleikagestir segja að Halldór hafi ekki gefið Emmsjé Gauta neitt eftir og að hann hafi sett ákveðna pressu á Gauta með frammistöðu sinni. Gauti tók undir þau orð á Twitter aðgangi sínum.

 

UMMÆLI