Intersand MaxCare 12 kg | Gæludýr.is

Ætla að byggja baðstað og nýta heitt vatn úr Vaðlaheiðargöngunum Mynd/afstöðumynd af landinu þar sem Skógarböð ætla setja upp baðstaðinn. Mynd: N4.

Ætla að byggja baðstað og nýta heitt vatn úr Vaðlaheiðargöngunum

Eignarhaldsfélagið Skógarböð hefur uppi áform um að byggja baðstað með tilheyrandi þjónustu í landi Ytri-Varðgjár, skammt frá Vaðlaheiðargöngum í Eyjafirði.

Landið sem um ræðir er í Eyjafjarðarsveit og hefur sveitarstjórn samþykkt að kynna skipulagsbreytingu vegna deiliskipulags og breytingar á aðalskipulagi vegna þessara áforma Skógarbaða ehf. Gert er ráð fyrir að heitt vatn verði leitt að staðnum með lögn frá göngunum í samvinnu við Norðurorku en lengd lagnarinnar verður liðlega tveir kílómetrar. N4 greinir frá þessu í dag.

Stefna að opnun árið 2022 ef allt gengur eftir

Hjónin Sigríður María Hammer og Finnur Aðalbjörnsson standa að þessu verkefni en þau hafa verið í miklum undirbúningi fyrir verkið undanfarið og stefna að því að verklegar framkvæmdir hefjist næsta vor, ef allt gengur eftir. „Ef allt gengur að óskum, verður hægt að taka á móti fyrstu gestum baðstaðarins 2022 við gerum ráð fyrir að böðin geti tekið á móti 180 manns í einu, húsakosturinn verði um 600 fermetrar og laugarnar um 400 fermetrar. Þar sem verkefnið hefur verið kynnt, hafa viðtökurnar verið afskaplega jákvæðar, þannig að við erum bjartsýn á þetta allt saman, enda vantar klárlega öflugan segul í ferðaþjónustunni hérna á Eyjafjarðarsvæðinu“ segja þau í samtali við N4.

Sambíó

UMMÆLI

Sambíó