Íbúar Akureyrar og nágrennis eru beðnir um að spara heita vatnið og draga úr notkun eins og kostur er í tilkynningu á vef Norðurorku.
Þar segir að gengið hafi þokkalega að halda hitaveitukerfinu gangandi í nótt. Staðan hafi þó smáversnað í morgunsárið. Nú sé rafmagnslaust að hluta í Hörgársveit og vinnslusvæðið á Hjalteyri sé keyrt á varaafli.
Sjá einnig: Ekkert fólksbílafæri á Akureyri
„Varaaflið er ekki eins öflugt og almennt dreifikerfi rafmagns og því náum við ekki að halda magni í birgðatönkum á Akureyri,“ segir í tilkynningunni.
„Það er því ekkert annað í stöðinni en að fólk og fyrirtæki dragi úr notkun á heitu vatni svo kerfin tæmist ekki en það mun valda verulegum vandræðum með lofti í kerfum og tilheyrandi. Neyðarstjórn Norðurorku hefur verið í sambandi við alla stærstu notendur hitaveitunnar og m.a. hefur sundlaugum verið lokað og þær keyrðar niður.“
UMMÆLI