Akureyringar hvattir til þess að mæta í bólusetningu í dag

Akureyringar eru hvatt­ir til þess að mæta á slökkvistöðina á Ak­ur­eyri í dag í bólu­setn­ingu gegn kór­ónu­veirunni með bólu­efni Jans­sen. Í morgun var dræmari mæting í bólusetningu en vonast var til og eru allir Akureyringar hvattir til þess að mæta sem fyrst. Frá þessu er greint á Ak­ur­eyri.net.

„Síðustu daga hefur mæting verið góð og bólusetning gengið mjög vel, en þetta hefur verið rólegt í morgun. Við getum tekið við miklu fleirum og ég vil því hvetja alla til að mæta – því fyrr því betra,“ sagði Inga Berglind Birgisdóttir, yfirhjúkrunarfræðingur Heilbrigðisstofnunar Norðurlands á Akureyri, þegar Akureyri.net leit við á Slökkvistöðinni í morgun.

Bólu­setn­ing stend­ur til klukk­an 14.00 í dag. Fólk fékk boð um að mæta á ákveðnum tíma en á Akureyri.net kemur fram að Inga Berg­lind hvet­ji alla til að mæta sem fyrst þrátt fyr­ir það.