Freyr Alexandersson, landsliðsþjálfari A landsliðs kvenna, hefur valið hópinn sem fer á Algarve Cup í Portúgal.
Fyrsti leikur liðsins fer fram 28. febrúar þar sem liðið mætir Danmörku. Í riðlinum eru einnig Japan og Holland.
Þrjár konur úr Þór/KA eru í hópnum en þetta eru þær Anna Rakel Pétursdóttir, Andrea Mist Pálsdóttir og Sandra María Jessen sem er í augnablikinu á láni hjá Slavia Prag í Tékklandi.
Anna Rakel og Andrea Mist léku sinn fyrsta landsleik gegn Noregi í janúar en Sandra á að baki 21 landsleik sem hún hefur skorað í 6 mörk.
Allar léku þær stórt hlutverk þegar Þór/KA varð Íslandsmeistari á síðasta ári. Við óskum þeim góðs gengis á Algarve Cup.
Akureyringurinn Rakel Hönnudóttir sem leikur með LB07 í Svíþjóð er einnig í hópnum en hún varð Íslandsmeistari með Þór/KA árið 2010.
Hópinn í heild sinni má sjá hér að neðan:
UMMÆLI