Markaveisla í Skautahöllinni í kvöld. Mynd: sasport.is
Leikið var í Hertz-deild kvenna í íshokkí í kvöld þegar lið Skautafélags Akureyrar, Ásynjur og Ynjur, mættust í Skautahöllinni á Akureyri. Liðin bera höfuð og herðar yfir önnur lið í deildinni en þau höfðu mæst tvisvar áður í vetur þegar kom að leiknum í kvöld.
Ynjur unnu fyrsta leikinn en Ásynjur höfðu betur þegar liðin mættust aftur, í hörkuleik sem fram fór 6.desember síðastliðinn.
Í kvöld var í raun aldrei spurning hvoru megin sigurinn myndi lenda en reynsluboltarnir í Ásynjum unnu sannfærandi fjögurra marka sigur, 8-4.
Markaskorarar Ásynja: Guðrún Blöndal 3, Birna Baldursdóttir 2, Anna Sonja Ágústsdóttir 1, Jónína Guðbjartsdóttir 1, Linda Brá Sveinsdóttir 1.
Markaskorarar Ynja: Sunna Björgvinsdóttir 2, Silvía Björgvinsdóttir 1, Berglind Leifsdóttir 1.
UMMÆLI