Intersand MaxCare 12 kg | Gæludýr.is

Arna Sif valin íþróttamaður Vals árið 2023

Arna Sif valin íþróttamaður Vals árið 2023

Akureyringurinn Arna Sif Ásgrímsdóttir var valin íþróttamaður Vals árið 2023. Arna Sif spilar fótbolta með Val í Reykjavík og varð Íslandsmeistari með liðinu á árinu sem var að líða. Þá var hún valinn besti leikmaður Íslandsmótsins af sérfræðingum Bestu markanna á Stöð 2 sport sem og hjá Heimavellinum.

„Íþróttamaður Vals 2023 er þekktur fyrir að sýna ávalt góða og fágaða framkomu hvort sem er innan eða utan vallar,“ segir í tilkynningu Vals.

Arna Sif átti ekki heimangengt að Hlíðarenda í gær þegar verðlaunin voru afhent þar sem hún var stödd á heimahögum sínum norður á Akureyri.

Ég er gríðarlega stolt og þakklát fyrir þessa viðurkenningu. Það er mikill heiður að vera valin íþróttamaður ársins hjá félagi sem er í hæsta gæðaflokki í öllum greinum. Fyrst og fremst vil ég þakka fyrir mig og um leið þakka liðsfélögunum mínum og öllum Völsurum fyrir frábært ár – Við höldum áfram, áfram hærra,“ sagði Arna Sif við heimasíðu Vals eftir tilkynninguna.


UMMÆLI