Krónan Akureyri

Bandaríkjamenn keyptu flestar gistinætur árið 2019

Bandaríkjamenn keyptu flestar gistinætur árið 2019

Bandaríkin voru stærsta markaðssvæði norðlenskrar ferðaþjónustu á síðasta ári, rétt eins og á landinu öllu. Um 4 prósent aukning varð á seldum gistinóttum til Bandaríkjamann miðað við árið áður, en mesta fjölgunin var í seldum gistinóttum til Kínverja eða um 17 prósent.

Þetta kemur fram í tölum frá Hagstofunni sem Markaðsstofa Norðurlands hefur tekið saman fyrir sitt svæði og borið saman við fyrri ár, auk þess að skipta Norðurlandi í þrjú svæði samkvæmt áfangastaðaáætlun.

Í takti við þróun ársins 2018 varð aukning á seldum gistinóttum á svokölluðum „öxlum“ sem eru apríl-maí og september-október, og yfir vetrartímann sömuleiðis. Seldum gistinóttum yfir sumarið fækkaði hinsvegar og því er heildarfjöldi seldra gistinátta nánast sá sami og árið áður.

Nánari upplýsingar um einstök þjóðerni má finna í glærum sem skoða má með því að smella hér.

Sambíó

UMMÆLI

Krónan Akureyri