Tónlistarmaðurinn Birkir Blær Óðinsson er kominn áfram í sænsku útgáfu Idol sjónvarpsþáttanna. Birkir komst áfram fyrir frammistöðu sína síðasta föstudag þegar hann söng lagið No Good eftir íslensku hljómsveitina Kaleo en kosið var í vikunni.
Í kvöld kom Birkir fram og hélt áfram að minna á Ísland. Hann söng á íslensku og ensku þegar hann tók lagið Húsavík (My Hometown) sem sænska söngkonan Mollý Sanden söng í kvikmyndinni Eurovision.
Birkir fékk eins og vanalega mikið lof frá dómurum keppninnar sem sögðu hann vera með bestu röddina í keppninni í ár.
Sjáðu frammistöðu Birkis í kvöld á vef TV4 í Svíþjóð með því að smella hér.
UMMÆLI