fbpx

Daníel Hafsteinsson skrifar undir þriggja ára samning við KA

Daníel og Túfa við undirskrift í dag.
Mynd og frétt: ka.is

Daníel Hafsteinsson skrifaði í dag undir þriggja ára samning við KA. Daníel er fæddur árið 1999 og er þetta fyrsti samningur hans við félagið.

Daníel er miðjumaður og er uppalinn hjá KA. Hann hefur leikið feikilega vel hjá KA á undirbúningstímabilinu og á framtíðina fyrir sér hjá félaginu. Daníel hefur einnig verið í æfingahóp undanfarið hjá U19 ára landsliði Íslands ásamt þeim Bjarna Aðalsteinssyni, Áka Sölvasyni og Aroni Degi Jóhannssyni úr KA.

Daníel er ekki ókunnugur félaginu er bræður hans tveir hafa báðir verið samningsbundnir KA undanfarin ár en bræður hans eru Jakob Hafsteinsson og Fannar Hafsteinsson.

UMMÆLI