Darko Bulatovic verður með KA í sumar

Nýjasti liðsmaður KA ásamt Túfa, þjálfara KA. Mynd af heimasíðu félagsins.

Pepsi-deildarlið KA hefur gengið frá samningi við svartfellska vinstri bakvörðinn Darko Bulatovic en frá þessu er greint á heimasíðu félagsins í dag.

Darko getur einnig leyst stöðu miðvarðar og kantmanns en hefur mestmegnis spilað stöðu vinstri bakvarðar með KA-liðinu á undanförnum vikum. Darko er 28 ára og gerir eins árs samning við KA.

Hann á landsleiki að baki fyrir yngri landslið Svartfjallalands og hefur leikið stærstan hluta ferilsins í Serbíu. Á hann fjöldann allan af leikjum að baki í serbnesku úrvalsdeildinni.