Anamaria-Lorena Hagiu er dúx Verkmenntaskólans á Akureyri vorið 2021. Anamaria flutti til Íslands frá Rúmeníu árið 2016 en þá talaði hún ekki stakt orð í íslensku. Þetta kemur fram á vef mbl.is í dag.
Hún útskrifaðist af hönnunar- og myndlistabraut og hlaut verðlaun fyrir bestan árangur í myndlistagreinum, verðlaun fyrir árangur í spænsku ásamt því að vera dúx skólans.
Hún flutti frá Rúmeníu til Raufarhafnar en hún segir í samtali við mbl.is að þar hafi henni verið hjálpað mikið við að læra grunninn í íslensku. Hún segir þá að kennarar í VMA hafi tekið vel á móti henni og sýnt henni skilning og sveigjanleika.
„Íslenska er ekki auðveld, en ef þú veitir henni athygli og hellir þér í hana, reynir að lesa og tala við fólk er auðveldara að ná utan um hana,“ segir Lorena á mbl.is.
Viðtal við Anamariu-Lorenu á mbl.is má finna með því að smella hér.
UMMÆLI