Aðeins eitt tilboð barst áður en frestur til þess að skila inn tilboðum í rekstur og starfsemi Hlíðarfjalls rann út þann 9. ágúst síðastliðinn. Tilbðið reyndist ekki uppfylla hæfisskilyrði og var því hafnað.
Ríkiskaup, fyrir hönd Akureyrarbæjar, óskaði eftir tilboðum í heilsársrekstur skíða- og útvistarsvæðisins í Hlíðarfjalli þar sem markmiðið var að Hlíðarfjall yrði nýtt á sem fjölbreytilegastan máta fyrir samfélagið á Akureyri og gesti. Útboðið var auglýst í lok júní með tilboðsfresti til hádegis 9. ágúst.
Í tilkynningu frá Akureyrarbæ segir að stjórn Hlíðarfjalls muni nú í framhaldinu fara yfir stöðuna og meta hver næstu skref verða í málinu.
UMMÆLI