Mynd af vef Dalvíkurbyggðar
Endurbætur á Sundlauginni á Dalvík hafa staðið yfir frá því í maí. Endurnýjað var mikið af búnaði laugarinnar og upplifun gesta bætt á ýmsan hátt. Á meðal þess sem var endurnýjað var klórbúnaðurinn og mun nýji búnaðurinn gera þeim kleift að framleiða klór úr salti á staðnum sem er mun heilsusamlegra fyrir notendur sem og starfsfólk.
Það sem verður helst sjáanlegt þegar endurbótum lýkur eru eftirtalin atriði.
- Litla rennibrautin og sveppurinn verða endurnýjuð eða lagað.
- Öll flísalögn verður endurnýjuð.
- Bláa Lónið sem er staðsett á milli heitu pottana verður einangrað og fær sjálfstætt stýrikerfi. Nýtt stýrikerfi hefur það í för með sér að hægt er að hafa hitastigið nokkrum gráðum heitara en verið hefur.
- Vaðlaugar verða einangraðar frá vatni sundlaugarinnar og verður því hægt að hafa vatnið í vaðlaugunum mun heitara en hingað til.
- Pottar verða endurnýjaðir og stækkaðir.
Ný rennibraut verður ekki tekin í notkun í þessari framkvæmd, en gert er ráð fyrir nýrri rennibraut norðan megin á lóð sundlaugarsvæðis og mun hún ekki lengur fara beint ofan í laug eins og hún gerir nú. Áætlanir sveitarstjórnar gera ráð fyrir nýrri rennibraut á næstu árum. Gamla rennibrautin mun áfram verða til staðar þar til ný rennibraut kemur.
UMMÆLI