Prenthaus

Fjögur stig til Akureyrarliðanna í leikjum dagsins

Þór vann og KA gerði jafntefli

KA-menn misstu af stigum á grátlegan hátt annan leikinn í röð í Pepsi-deildinni þegar liðið fékk Víking Reykjavík í heimsókn á Akureyrarvöll.

Ásgeir Sigurgeirsson og Emil Lyng komu KA í 2-0 en Víkingar náðu að koma til baka á síðasta stundarfjórðungnum og jöfnuðu leikinn í uppbótartíma en KA-menn léku síðasta korterið manni færri eftir að Bjarki Þór Viðarsson fékk að líta rauða spjaldið.

KA 2 – 2 Víkingur R.

1-0 Ásgeir Sigurgeirsson (’46)
2-0 Emil Lyng (’61)
2-1 Vladimir Tufegdzic (’77, víti)
2-2 Alex Freyr Hilmarsson (’90)

Rautt spjald: Bjarki Þór Viðarsson, KA (´76)


Strax í kjölfarið hófst svo leikur Þórs og Hauka á Þórsvelli í Inkasso-deildinni. Þar tókst Þórsurum að innbyrða sín fyrstu stig í sumar með því að vinna 2-1 sigur en Þórsarar lentu undir snemma leiks.

Mörk frá Ármanni Pétri Ævarssyni og Gunnari Örvari Stefánssyni sneru leiknum Þórsurum í hag og eru þeir því komnir á blað í deildinni eftir erfiða byrjun.

Þór 2 – 1 Haukar

0-1 Elton Renato Livramento Barros (‘5)
1-1 Ármann Pétur Ævarsson (’34, víti)
2-1 Gunnar Örvar Stefánsson (’46)

Sambíó

UMMÆLI