![Það er kalt í veðri](http://www.kaffid.is/wp-content/uploads/2016/11/smyrli1-400x533.jpg)
Það er kalt í veðri
Það er ekki bara mannfólkið sem kýs að halda sig innandyra þegar snjónum kyngir niður eins og undanfarna daga á Akureyri. Það sást glögglega í morgun, þegar þessi fugl reyndi að komast inn og leita skjóls á veitingastaðnum Bryggjunni. Sérfræðingar Kaffisins hafa ekki borið kennsl á tegundina en telja líklegast að um Smyril sé að ræða. Fuglinn sat á gluggasyllu veitingastaðarins í drykklanga stund, goggaði í gluggann og vildi fá að komast inn en því miður varð honum ekki að ósk sinni.
UMMÆLI