Prenthaus

Goðamótunum verður frestað

Goðamótunum verður frestað

Nú hefur verið tekin lokaákvörðun vegna Goðamóta Þórs og eftir stöðug fundarhöld innan íþróttafélagsins er það ljóst að eindregin vilji félagsins er að fresta Goðamótunum til vorsins, eða þar til ástandið skánar vegna Covid-19 veirunnar. Nýjar dagsetningar á mótunum eru 15.-17. maí fyrir 6. flokk karla og 1.-3. maí fyrir 5. flokk kvenna.

Á mánudaginn var greint frá því að mótin myndu fara fram eins og áætlað var en nú hefur þeirri ákvörðun verið breytt. Á vef Þórs segir: „Sú ákvörðun að halda mótahaldi til streitu var tekin út frá okkar bestu vitund miðað við tilmæli ÍSÍ og þeirra samtali við Landlæknisembættið á fundi sem haldinn var í gær. Þeir sem að mótinu standa eru ekki sérfræðingar á þessu sviði og ekkert fordæmi er fyrir þeirri stöðu sem er uppi. Ákvörðunin var því erfið, líkt og sú ákvörðun sem hefur verið tekin nú og er endanleg.“

„Afstaða Íþróttafélagsins Þórs er sú að við viljum þátt í því að axla þá samfélagslegu ábyrgð að hefta útbreiðslu Covid-19 veirunnar og þar með geyma allt mótahald á vegum knattspyrnudeildar félagsins þar til ástandið skánar.“

Sambíó

UMMÆLI

Sambíó