![dominosdeildin_stort-copy-1](http://www.kaffid.is/wp-content/uploads/2016/10/dominosdeildin_stort-Copy-1.jpg)
Þór-Tindastóll klukkan 19:15. Íþróttahöllin á Akureyri.
Það verður mikið um dýrðir í Íþróttahöllinni á Akureyri í kvöld þegar Þór og Tindastóll mætast í Dominos-deild karla í körfubolta. Um er að ræða fyrsta heimaleik Þórs á nýju ári.
Þessi lið hafa marga hildina háð í gegnum tíðina, nú síðast í 16-liða úrslitum Maltbikarsins í byrjun desember þar sem Þórsarar unnu sigur eftir rafmagnaðan spennuleik.
Sjá einnig: Kátt í Höllinni þegar Þórsarar slógu Tindastól úr leik
Tindastóll hefur á að skipa einu besta körfuboltaliði landsins um þessar mundir en Sauðkrækingar eru með 18 stig og sitja í 2.-3. sæti deildarinnar eftir ótrúlega dramatískt tap gegn KR í síðustu umferð.
Þórsarar eru með sex stigum minna í sjöunda sæti deildarinnar en liðið tapaði örugglega gegn toppliði Stjörnunnar í fyrsta leik ársins.
Leikurinn hefst klukkan 19:15 en Höllin verður opnuð klukkan 18:30 og geta áhorfendur gætt sér á grilluðum hamborgurum áður en leikurinn hefst.
![dominoskarla](http://www.kaffid.is/wp-content/uploads/2017/01/dominoskarla-1-650x208.jpg)
Svona lítur staðan í deildinni út.
UMMÆLI