Grýtubakkahreppur lýsir miklum vonbrigðum með þingsályktunartillögu í málefnum sveitarfélagaMynd: grenivik.is

Grýtubakkahreppur lýsir miklum vonbrigðum með þingsályktunartillögu í málefnum sveitarfélaga

Víðsvegar um landið eru sveitarfélög að taka misvel í þingsályktunartillögu um sameiningu sveitarfélaga. Grýtubakkahreppur er eitt sveitarfélag sem ekki tekur vel í tillöguna, ef marka má fjölmennan íbúafund sem var haldinn hjá þeim sl. þriðjudag, 28. janúar. Farið var yfir tillöguna og ljóst var eftir fundinn að vilji íbúanna er sterklega gegn tillögunni.

Í kjölfar fundarins gáfu sveitarstjórnarmenn í Grýtubakkahreppi út yfirlýsingu vegna málsins. Hana má lesa í heild sinni hér að neðan:

,,Við undirrituð sveitarstjórnarmenn í Grýtubakkahreppi, lýsum miklum vonbrigðum okkar með niðurstöðu atkvæðagreiðslu um þingsályktunartillögu um stefnumótandi áætlun í málefnum sveitarfélaga.

Við munum áfram vinna af fullum þunga eftir skýrum vilja íbúanna, sem kom mjög sterkt fram á fjölmennum íbúafundi 28.janúar, að því að tryggja sjálfstæði og stöðu sveitarfélagsins til framtíðar.“

Fjóla V. Stefánsdóttir, oddviti

Margrét Melstað, varaoddviti

Haraldur Níelsson

Gunnar B. Pálsson

Ticket to Paradise

UMMÆLI

Ticket to Paradise