Héraðsdómur Norðurlands eystra hefur dæmt karlmann sem búsettur er á Akureyri í hálfs árs fangelsi fyrir að hafa valdið skemmdum á lakki 36 bifreiða á síðasta ári. Maðurinn notaðist við lykil og rispaði lakk bifreiðanna.
Fjallað er um málið á vef mbl.is þar sem segir að langflest brotin hafi átt sér stað í júlí á síðasta ári, meðal annars yfir stórar ferðahelgar þegar mikið fjölmenni var á Akureyri.
Langflest brotin áttu sér stað í júlí, meðal annars yfir stórar ferðahelgar þar sem mikið fjölmenni var á Akureyri.
Þetta er ekki fyrsti dómurinn sem maðurinn hlýtur fyrir skemmdir á bifreiðum, en í fyrra hlaut hann tvo dóma fyrir að skemma þrjár bifreiðar á sambærilegan hátt og í þessu máli, sem og fyrir að hafa kastað grjóti og brotið rúður á veitingahúsinu Kaffi lyst í Lystigarðinum. Þá á hann umtalsverðan sakaferil að baki frá árinu 2007, meðal annars fyrir þjófnað.
Manninum var einnig gert að greiða tíu manns samtals 1,8 milljónir í bætur. Bótakröfum þriggja bifreiðaeigenda var hins vegar vísað frá þar sem þær þóttu ekki studdar gögnum.
UMMÆLI