Akureyri-Færeyjar

Hólfaskipt í Hlíðarfjalli

Hólfaskipt í Hlíðarfjalli

Ákveðið hefur verið að skipta föstudögum, laugardögum og sunnudögum upp í hólf á skíðasvæðinu í Hlíðarfjalli, fyrri og seinnipart, og lengja opnunartíma á þessum dögum. Þetta er gert vegna fjölda Covid-19 smita í samfélaginu.

Vetrarkortshafar eru undanskildir tímapöntunum og geta mætt þegar þeim hentar. Á föstudögum verður opið frá kl. 11-19, fyrra hólf verður frá kl. 11-14:30 og seinna frá kl. 15-19. Á laugardögum og sunnudögum verður opið frá kl. 09:30-17, fyrra hólf frá kl. 09:30-13 og seinna frá kl. 13:30-17

Lyftumiðar fyrir þessa þrjá daga verða settir í sölu kl. 3. á miðvikudögum. Kaupa þarf lyftumiða á heimasíðu Hlíðarfjalls. Hægt verður að kaupa vasakortin á netinu ásamt lyftumiða og sækja í sölulúgu í miðasölu. Einnig verða vasakortin seld hjá N1 á Akureyri, Leirunesti og Veganesti. Grímuskylda verður áfram innandyra og í röðum utandyra.

UMMÆLI