Knattspyrnumaðurinn Hrannar Björn Steingrímsson hefur framlengt samning sinn við KA til 2025. Samningur Hrannars var að renna út að loknu yfirstandandi tímabili.
Hrannar, sem er 31 árs gamall, mun því leika sitt 11. tímabil með KA liðinu næsta sumar. Hann er fjölhæfur leikmaður sem leikur oftast í stöðu hægri bakvarðar.
Hrannar Björn hefur leikið 114 leiki fyrir KA í efstu deild og skorað í þeim tvö mörk. Þá á hann að baki 77 leiki í næstefstu deild, 62 fyrir KA og 15 fyrir Völsung, þar sem hann skoraði tvö mörk.
„Virkilega góðar fréttir! Hrannar Björn mun leika sitt 11. tímabil fyrir KA næsta sumar. Hann hefur verið í stóru hlutverki hjá okkur og er það því jákvætt að hann verður áfram í gulu treyjunni,“ segir í tilkynningu KA á Facebook.
UMMÆLI