fbpx

Íbúar í Naustahverfi óttaslegnir

Naustahverfi

Íbúar í Naustahverfi á Akureyri eru uggandi yfir óprúttnum aðilum sem virðast ganga um hverfið og taka í hurðarhúna hjá íbúum. Skapast hefur umræða um málið á Facebook og taka margir íbúar undir og hafa frá svipuðum sögum að segja.

Dæmi er um að óviðkomandi aðili hafi gengið inn á heimili þar sem útidyrahurðin var ólæst en hlaupist á brott þegar hann varð var við að heimilisfólk væri heima við.

Umræða myndaðist í lok febrúarmánaðar og aftur nú á dögunum. Virðist því vera um viðvarandi vandamál að ræða. Hafa íbúar gert lögreglu viðvart en hún kveðst lítið geta aðhafst þar sem engum hefur tekist að lýsa þessum óprúttnu aðilum.

UMMÆLI