fbpx

KA aftur í efstu deild eftir 12 ára fjarveru

KA aftur í efstu deild eftir 12 ára fjarveru

KA-menn tryggðu sér sigur í Inkasso-deildinni síðastliðinn laugardag þegar KA vann 2-1 sigur á Grindavík en liðið hafði helgina áður tryggt sér þátttökurétt í Pepsi-deildinni á næsta ári, líkt og Grindvíkingar.

Það þýðir að Akureyri mun eiga lið í efstu deild karla á næsta ári á ný eftir tveggja ára fjarveru eða síðan Þórsarar féllu úr Pepsi-deildinni árið 2014. Ennfremur þýðir það að tvö knattspyrnulið frá Akureyri verða í efstu deild sumarið 2017 þar sem kvennalið Þór/KA hefur fest sig í sessi í Pepsi-deild kvenna.

Tólf ár eru liðin síðan KA lék síðast í efstu deild sem hét þá Landsbankadeildin en þá féllu KA-menn ásamt Víkingi Reykjavík. Enginn leikmaður liðsins í dag lék þá með KA-liðinu en í marki KA það ár stóð Sandor Matus sem nú leikur fyrir Þór.

 

ka-i-efstu-deild-2014

        -KA aftur á meðal þeirra bestu-

UMMÆLI