fbpx

KA og Þór/KA með mikilvæga sigra um helgina

KA og Þór/KA með mikilvæga sigra um helgina

Knattspyrnuliðin KA og Þór/KA unnu bæði mikilvæga sigra í Pepsi Max deildum karla og kvenna um helgina.

KA menn tóku á móti FH á Akureyrarvelli. Hallgrímur Mar Bergmann tryggði KA mönnum gríðarlega mikilvægan 1-0 sigur með skoti fyrir utan teig í lok leiks. KA menn fara með sigrinum úr fallsæti og upp í 10 sæti deildarinnar.

Þór/KA konur komust aftur á sigurbraut eftir vandræði undanfarið þegar þær rústuðu ÍBV á Þórsvelli. Leiknum lauk með 5-1 sigri Þór/KA. Hulda Ósk Jónsdóttir skoraði tvö mörk fyrir Þór/KA en hin mörkin skoruðu þær Agnes Birta Stefánsdóttir, María Catharina Ólafsdóttir Gros og Þórdís Hrönn Sigfúsdóttir. Þór/KA er í þriðja sæti Pepsi Max deildar kvenna.

Þórsarar gerðu 1-1 jafntefli við Gróttu í Inkasso-deild karla á föstudaginn. Hollendingurinn Rick Ten Voorde skoraði mark Þórsara í leiknum en Þórsarar eru í öðru sæti deildarinnar, einu stigi fyrir ofan Gróttu í þriðja sætinu.

Mynd: Palli Jóh