![700w](http://www.kaffid.is/wp-content/uploads/2016/10/700w-3.jpg)
Hamrarnir á góðri stundu
Karen Nóadóttir hefur verið ráðin þjálfari kvennaliðs Hamranna og mun hún stýra liðinu í 1.deild kvenna næsta sumar.
Knattspyrnuáhugamenn á Akureyri ættu að þekkja vel til Karenar enda á hún 173 leiki í deild og bikar fyrir Þór/KA.
Karen hefur verið fyrirliði kvennaliðs Þór/KA undanfarin ár en ekki er útilokað að hún muni halda áfram að leika með liðinu í Pepsi-deild kvenna samhliða þjálfun Hamranna.
Hamrarnir enduðu í 2.sæti C-riðils 1.deildar kvenna á síðustu leiktíð og féllu úr keppni í fyrstu umferð úrslitakeppninnar en nýtt fyrirkomulag verður á deildarkeppni kvenna næsta sumar og munu Hamrarnir leika í næstefstu deild.
Karen er 26 ára gömul og hefur töluverða reynslu úr þjálfun yngri flokka þar sem hún hefur starfað hjá báðum Akureyrarliðunum Þór og KA.
![h7-160529458](http://www.kaffid.is/wp-content/uploads/2016/10/H7-160529458.jpg)
Nýr þjálfari Hamranna
UMMÆLI