Karl Frímannson er nýr sviðsstjóri fræðslusviðs hjá Akureyrarbæ. Karl sem er fæddur árið 1959 starfaði síðast sem aðstoðarmaður mennta – og menningarmálaráðherra.
Karl er með meistarapróf í menntunarfræðum frá Háskólanum á Akureyri þar sem lokaverkefni hans fjallaði um ábyrgð skólastjóra grunnskóla.
Hann hefur áður verið sjálfstætt starfandi ráðgjafi, sveitarstjóri í Eyjafjarðasveit og skólastjóri Hrafnagilsskóla. Karl starfaði á sínum tíma sem þróunarstjóri og fræðslustjóri hjá Akureyrarbæ.
Samkvæmt heimasíðu Akureyrarbæjar mun Karl taka til starfa fljótlega.
UMMÆLI