Mynd: Þóra Karlsdóttir.
Föstudagurinn 29. desember var kaldasti dagur ársins til þessa á Íslandi. Það var sérstaklega kalt norðaustanlands og mest fréttist af -29,0 stigum í Svartárkoti.
Það er mesta frost sem mælst hefur á landinu frá því 6. desember 2013, en þá fór frostið við Mývatn í -31,0 stig.
Í desember hefur ekki mælst meira frost síðan mælingar hófust á Ólafsfirði, Mývatnsheiði og Svartárkoti. Þá hefur ekki mælst meira frost í desember við Krossanesbrautina á Akureyri síðan mælingar hófust þar árið 2005.
Við Akureyrarflugvöll mældist talsvert kaldara en við veðurstöðina í Krossanesbraut en þar mældust -23,0 stig. Gefur það líklega betri mynd af kuldanum í innbæ og jafnvel miðbæ Akureyrar.
Víðir Gíslason flugmaður kallar eftir því að bætt verði annarri veðurstöð á Akureyri.
„Veðurstöðin í Krossanesbraut segir ekki nema hálfa sögu um hitastig á Akureyri í svona veðurlagi.
Munað getur mörgum gráðum á hitafari á heitustu og köldustu dögum. Það vantar aðra veðurstöð sem nær þessum sveiflum.“
UMMÆLI