fbpx

Lauren Allen mætt til Þór/KA

Lauren Allen mætt til Þór/KA

Enski markvörðurinn Lauren Allen er mætt til Akureyrar og mun spila með knattspyrnuliði Þór/KA í Pepsi Max deild kvenna í sumar.

Allen skrifaði undir samning við Þór/KA fyrr í vetur en vegna ástandsins sem myndaðist í samfélaginu vegna Covid-19 gekk erfiðlega fyrir hana að komast til landsins.

Hún er komin til Akureyrar þar sem hún hefur eytt síðustu tveimur vikum í sóttkví. Nú hefur hún lokið sóttkví og mun mæta á sína fyrstu æfingu með liðinu á morgun.

Allen lék með Tindastól frá Sauðárkrók síðasta sumar en þar áður lék hún með Chel­sea, Ful­ham og Crystal Palace í London.

UMMÆLI