fbpx

Leikskólabörn í umdeildum leik við Glerárstíflu

Leikskólabörn í umdeildum leik við Glerárstíflu

Mynd sem Andrés Jónsson birti á Facebook síðu sinni í dag hefur vakið mikla athygli en á henni má sjá leikskólabörn og leiðbeinendur að leik við Glerárstíflu á Akureyri.

Andrés skrifar við myndina að hann hafi verið að keyra framhjá þegar hann hafi séð leikskólakennara vera að lyfta börnum yfir girðingu við stífluna og leyfa þeim að leika sér þar.

„Finnst þetta stórhættulegur leikur. Veit ekki af hvaða leikskóla þetta er en MJÖG mikið ábyrgðarleysi,“ skrifar Andrés á Facebook.

Fræðslusvið Akureyrarbæjar hefur fengið ábendingar vegna málsins. Árni Bjarnason, starfsmaður á Fræðslusviði Akureyrarbæjar, segir að engin hætta hafi verið á ferð og að tilgangur ferðarinnar hafi verið að kenna börnum á umhverfi sitt.