Lillý Rut Hlynsdóttir var í dag útnefnd efnilegasti leikmaður Pepsi deildar kvenna í knattspyrnu árið 2016. Lillý fékk afhenda viðurkenningu að loknum leik ÍBV og Þórs/KA í lokaumferð deildarinnar sem lauk nú rétt í þessu.
![Iceland v Russia – UEFA Women Under-19 Championship Elite Roun](http://www.kaffid.is/wp-content/uploads/2016/09/I00001OQqIxQ.Qf0_.jpg)
Lillý Rut Hlynsdóttir
Þessi 19 ára gamla Akureyrarmær hefur verið í algjöru lykilhlutverki í leik Þórs/KA í sumar og leikið alla 18 leiki liðsins.
Þór/KA lauk keppni í 4.sæti Pepsi deildarinnar en liðið hefur verið í fremstu röð kvennaknattspyrnunnar undanfarinn áratug.
Þó Lillý sé ung að árum er hún einn af reynslumeiri leikmönnum liðsins en hún hefur leikið 90 leiki í deild og bikar fyrir Þór/KA auk þess að eiga 34 leiki fyrir yngri landslið Íslands.
UMMÆLI