Krónan Akureyri

Mikið tekjutap í Hlíðarfjalli vegna kórónuveirunnar

Mikið tekjutap í Hlíðarfjalli vegna kórónuveirunnar

Skíðasvæðið í Hlíðarfjalli varð af helmingi tekna vetursins vegna kórónuveirufaraldursins. Skíðasvæðum landsins var lokað 20. mars síðastliðinn vegna veirunnar. Þetta kemur fram á RÚV.

Guðmundur Karl Jónsson, forstöðumaður Hlíðarfjalls, segir í samtali við RÚV að það þýði ekkert annað en að líta björtum augum til næsta veturs þrátt fyrir að hann telji að tugi milljónir hafi tapast. Ný skíðalyfta verði kláruð í sumar.

„Handritið var skrifað í skýin, vorum að klára lyftuna, sjaldan verið jafn mikill og góður snjór, flott veður um páska og svo hrundi bara spilaborgin,“ segir Guðmundur Karl á vef RÚV.

Tvær til þrjár vikur eru eftir af vinnu við nýja stólalyftu en tveir erlendir sérfræðingar sem áttu að aðstoða við lokavinnuna sneru heim vegna kórónuveirufaraldsins.

Krónan Akureyri

UMMÆLI

Krónan Akureyri