Bifreiðastæðasjóður Akureyrarbæjar hefur bætt við nýjum greiðsluleiðum á vefsvæði sínu www.akureyri.is/bilastaedi. Þetta kemur fram á vef bæjarins.
Um er að ræða greiðsluform sem gerir ökumönnum sem leggja í miðbænum kleift að greiða fyrir gjaldskyld stæði með greiðslukorti, engin aukagjöld eru innheimt.
Annað greiðsluform á sömu vefsíðu er notað til að greiða álagt stöðvunarbrotagjald (sekt). Áfram stofnast sektarkrafa í netbanka bíleiganda eða umráðamanns. Greiðsluformið á vefnum er hugsað fyrir ökumenn sem ekki eru á eigin bíl, t.d. bílaleigubíl eða fyrirtækisbíl.
UMMÆLI