Ný snjóbrettamynd frá Eika og Halldóri

Bræðurnir Eiki og Halldór Helgasynir hafa gefið út snjóbrettamyndina We Are Losers 2. Myndin er að hluta til tekin upp á Íslandi og bræðurnir eru á meðal Íslendinga sem sýna listir sínar á snjóbretti í myndinni sem má sjá í heild hér að neðan.

Lobster Snowboards er Snjóbrettamerki bræðrana Eika og Halldórs Helgasonar. Þeir Eiki og Halldór hafa lengi verið á meðal bestu snjóbrettamanna heims og hafa komið fram í ótal snjóbrettamyndum í gegnum tíðina.

We Are Losers 2 er önnur myndin sem þeir gefa út sjálfir með Lobster en sú fyrri, Losers, kom út fyrir fjórum árum síðan.We Are Losers 2 var tekin upp síðasta vetur víða um heiminn.