Ný stjórn kjördæmisráðs Vinstri Grænna í Norðausturkjördæmi

Edward H. Huijbens er formaður ráðsins

Laugardaginn 21. janúar sl. var haldinn aðalfundur kjördæmisráðs Vinstrihreyfingarinnar græns framboðs á Sel-hóteli í Mývatnssveit. Á fundinum fóru fram venjuleg aðalfundarstörf og rædd var kosningabarátta við síðustu alþingiskosningar. Félagar víðsvegar úr kjördæminu sóttu fundinn.

Steingrímur J. Sigfússon og Bjarkey Olsen Gunnarsdóttir, þingmenn VG í Norðausturkjördæmi fluttu ávörp. Almenn ánægja var með kosningabaráttuna fyrir síðustu alþingiskosningar þar sem VG kom út sem næststærsti stjórnmálaflokkur landsins.

Ný stjórn kjördæmisráðs var kjörin á aðalfundinum. Nýr formaður er Edward H. Huijbens (Akureyri), en aðrir í stjórn eru Guðrún Þórsdóttir (Akureyri), Inga Eiríksdóttir (Fjallabyggð), Óli Halldórsson (Húsavík), Aðalbjörn Jóhannsson (Þingeyjarsýslu) Ingibjörg Þórðardóttir (Neskaupsstað), Hrafnkell Lárusson (Breiðdal). Til vara eru Berglind Häsler (Djúpavogi) og Vilberg Helgason (Akureyri)

UMMÆLI