Hollenska flugfélagið Transavia lenti á Akureyrarflugvelli í gær með annan hóp vetrarins á vegum Voigt Travel.
Skyggni við lendingu var slæmt og segir í tilkynningu á Facebook síðu Akureyrarflugvallar að nýi ILS búnaðurinn hafi komið sér mjög vel í aðstæðunum.
ILS aðflugsbúnaðurinn var nýlega tekinn í notkun á Akureyrarflugvelli og er Transavia fyrsta flugfélagið sem nýtir þennan búnað til aðflugs í reglubundnu millilandaflugi. Ljóst er að slíkur búnaður skiptir miklu máli fyrir flugfélagið, eins og öll önnur flugfélög og auðveldar aðflugið til muna frá því sem áður var.
UMMÆLI